يوميات بترفلاي مفروسه

كان يا مكان كانت بترفلاي ماشية في خان الخليلي بعد الفطار في رمضان هي والبنات صحابها الجو كان برد وكانوا لابسين صيفي بس كانوا مبسوطين قوي ومهمهمش..............................وفجأه
شيشو:انا مش هلحق كده اصلي التراوح
بترفلاي:متتلككيش يعني ابقي صليها في بتكم بعد ما ترجعي
شيشو:ماينفعشي يابنتي لازم تصلي التروايح في معادها
بترفلاي: ايه التهريج ده لا طبعا ده انا بصلي التراويح بالليل اصلا على 2 مثلا
شيشو:لا يابنتي دي كده تبقى تهجد مش تراويح
بترفلاي : مش عارفة هبقى اسأل........الا شيشو ايه المسجد ده اسمه ايه؟
شيشو:اللهههههههههه ده شكله جميل قوي ميكنشي الحسين
بترفلاي:انتي هبله يابنتي احنا مش لسه مصليين المغرب في الحسيين اكيد ملهوش فرع تاني مثلا
شيشو:اه صحيح امال ده ايه
بترفلاي:طب تعالي نسأل الست اللي قاعده على الباب دي
الست اللي لابسه اسود ومش باين الا عنيها ومعاها بيبي: لله يارب تتجوزي يارب تنجحي الهي يستر عرضك جعانه والواد عيااااان
شيشو:دي شحاته يا بترفلاي معاكي فكه
بترفلاي :ثانه هدور.......اه خدي
شيشو:وانا لقيت فكه كمان ........اتفضلي .......الله بترفلاي ده البيبي قمور قوي ماشاء الله ربنا يخليهولك
الست اللي لابسه اسود:ربنا يستر عرضك يابنتي" ل شيشو بس الكلام ده
بترفلاي:الا هو المسجد ده اسمه ايه لو سمحتي؟
الست اللي لابسه اسود ل شيشو: ده الازهر يا بنتي
بترفلاي:ايه ده ازاي مش الازهر اللي بعيد وبيكتبوا فيه الكتاب
الست اللي لابسه اسود بصت ل بترفلاي بقرف وقالت ل شيشو :لا ده المسجد هنا لكن دارالافتاء هي اللي هناك
بترفلاي:اه عرفته المسجد ده اللي بيجي في التلفزيون يا شيشو في الاذان
شيشو :طب ما تيجي ندخل
بترفلاي:قشطه اوكاي
بترفلاي و شيشو بيقلعوا الجزم و حافيين وداخلين المسجد ......الست الي لابسة اسود زعقت وقالت لبترفلاي انتي رايحه فين استني
بترفلاي :داخاه جوا في حاجه؟
الست اللي لابسه اسود شكل عنيها من تحت النقاب متضايقه قوي يعني اخر حاجه وقالت:هتدخلي كده
بترفلاي بصت للشوووز وقالتلها: هو انا مينفعش ادخل بيه اوكاي ممكن تخليه معاكي بليز
الست اللي لابسه اسود لبترفلاي :لا مش موضوع الجزمه هتدخلي وانتي لابسه كده؟؟؟!
بترفلاي: ايه مالي وبصت لهدومها وقالت انا لسه متوضيه من شويه
الست اللي لابسه اسود :لا مش موضوع وضوء بس انتي مش مغطيه شعرك
بترفلاي :اه ه ه ه ه طب اوكي ....شيشو طلعي الاسدال من الشنطه بتعتك بليييز
بترفلاي لبست الاسدال ودخلت المسجد هي وشيشو
شيشو:اجمد حاجة يا بترفلاي مقلتليش انا حاجة اصلا مع ان بنطلوني ضيق والبدي قصير
بترفلاي: عادي بقه هي الناس عامله كده الايام دي.....بس المسجد حلو قوي يا شيشو وشكله تحفه بجد......ايه ده ده مكتب ءامام المسجد متيجي نسأله على موضوع التراويح ده يا شيشو
شيشو:وانا كمان عاوزه اسأله على حاجه .......بترفلاي و شيشو دخلوا المكتب ولقوا ناس كتير معظمهم رجاله
شيشو ل بترفلاي: بترفلاي هو فين الامام
بترفلاي بصوت واطي: بتهيألي هو الراجل اللي لابس عمامه كبيره هناك ده......سلامو عليكم
الراجل: وعليكم السلام ............ايوه
بترفلاي : لوسمحت كنا عاوزين نسأل الامام على حاجة
الامام :انا يا بنتي في حاجه
بترفلاي بصوت واطي ل شيشو: اسأليه
شيشو: لا اسألي انتي الاول
بترفلاي :ماشي ماشي.........قربت من كرسي الامام وبصوت واطي حضرتك انا بصلي التراويح في بيتنا بس متأخر على 2 او 3 لوحدي اصلي مش محجبه ومش بحب انزل الشارع اصلي التراويح في المسجد على اساس مخدش زنب في الطريق وكده وسمعت ان كده دي مش تراويح دي كده تهجد فده صح ولا غلط......................لحظة صمت مرت بصت فيها بترفلاي لشيشو وشيشو كانت متنحه في الامام وبدأت تحول وشيشو لما بتحول بتبقى حاسه بقرب وقوع كارثة
الامام بصوت عالي خلي كل الي في المكتب ينتبهوا للموضوع : ومتبقيش محجبه ليه انت مبتفهميش يعني ولا ايه؟؟
بترفلاي وشها احمر وبصت للناس وقالت بصوت واطي:لا مش كده اصل بس الموضوع .................صمت رهيب
الامام بصوت عالي جدا انت مبترديش ليه انتي شكلك حماره مش بتفهمي............ بترفلاي على وشك الدموع وقالت بصوت مخنوق : انا ان شاء الله هتحجب بس والله انا بصلي وبصوم ومش شريره وبعمل خير والمفروض اني بنت كويسه
الامام بصوت عالي جدا لدرجة ان الناس بدأت تتخض و بترفلاي بتترعش: ملهوووووووووووووش لازمة صلاتك وصومك ملهومش اي لازمه
بترفلاي: خالص؟؟؟؟؟
الامام : خالص الحجاب زي الصلاه بالظبط ....انتي شكلك غبيه وهتتعبيني............... بصي الكلام اللي سمعته مش صح ممكن تصلي التراويح اي وقت المهم النية....
بترفلاي :طب ميرسي قوي
شيشو: طب انا لو سمحت..... ممكن اسأل على حاجه.............بترفلاي مسمعتش السؤال تقريبا فمش هفتي
شيشو خلصت السؤال تقريبا وطلعوا بره
شيشو ايه الراجل ده الحقيقه انا كنت خايفة ليقولي حاجه على لبسي بس متكلمش ................عجيبه!!
وتوته توته فرغت الحدوته
بسم اله الرحمن الرحيم
ولو كنت فظا غليظ القلب لانفضوا من حولك
صدق الله العظيم